կարևոր
6259 դիտում, 9 ամիս առաջ - 2023-08-14 17:34
Արցախ

Ադրբեջանական ապատեղեկատվությունները նպատակ ունեն շեղել միջազգային ուշադրությունը․ ՊԲ

Ադրբեջանական ապատեղեկատվությունները նպատակ ունեն շեղել միջազգային ուշադրությունը․ ՊԲ

Ադրբեջանական լրատվամիջոցները շարունակում են տարածել կեղծ  տեսանյութեր։  Օգոստոսի 14֊ին ադրբեջանական էլեկտրոնային զլմ֊ները հրապարակել են երկրորդ կեղծ տեսագրությունը, որտեղ այս անգամ պատկերված են  ՊԲ ստորաբաժանումների կողմից իբր թե իրականացվող  ամրաշինական աշխատանքները։ Այս մասին հայտարարում է Արցախի Պաշտպանության բանակը։

Վերջին շրջանում Ադրբեջանի ՊՆ մամուլի ծառայության եւ այդ կառույցի հետ սերտորեն  համագործակցող լրատվամիջոցների զգալիորեն ավելացած ակտիվությունը, պաշտոնական եւ ոչ պաշտոնական խողովակներով պարբերաբար տարածվող ապատեղեկատվությունը,   հրադադարի  խախտումների եւ քաղաքացիական օդանավերը ՌԷՊ միջոցներով թիրախավորելու Արցախի ՊԲ֊ին հասցեագրված բացարձակապես սուտ մեղադրանքները , ինչպես արդեն նշել ենք նախկինում,  նպատակ ունեն շեղել միջազգային ուշադրությունը  Ադրբեջանի գործողությունների հետեւանքով Արցախում առաջացած հումանիտար աղետից,  հիմնավորել Արցախի Հանրապետության օկուպացված տարածքներում տեղակայված ադրբեջանական ստորաբաժանումների կողմից հրադադարի ռեժիմի խախտումները եւ տեղեկատվական հենք ստեղծել ապագա սադրանքների համար։