Դիմորդների աննախադեպ ցածր ցուցանիշ Ագրարային համալսարանում

Մայիսի 10-ին ավարտվեց բուհերի առկա ուսուցման ընդունելության հայտագրման գործընթացը: Դիմորդների թիվն անցած տարվա համեմատությամբ աճել է շուրջ 7 տոկոսով:

ՀՊՏՀ դիմորդների թիվը կազմել է 1918, ԵՊՀ դիմորդների թիվը՝ 3421, իսկ Պոլիտեխնիկինը՝ 1457:

Yerkir.am-ի տեղեկություններով՝ ինչպես անցած տարիներին, այս տարի ևս խայտառակ ցածր ցուցանիշ է արձանագրվել Հայաստանի ազգային ագրարային համալսարանում: Ագրարային այս տարի դիմել է 139 դիմորդ նախորդ տարվա 167-ի դիմաց: 139 դիմորդներից 78-ը կամ 56 տոկոսը դիմել են տնտեսագիտական մասնագիտություններ, իսկ գյուղատնտեսական շատ մասնագիտություններ կամ ընդհանրապես չեն դիմել կամ դիմել են 1-3 հոգի:

Հաշվի առնելով նախորդ տարիների փորձը՝ շատ վատ ցուցանիշներ կարձանագրվեն քննությունների արդյունքում, և համալսարան ընդունված դիմորդների թիվը դժվար թե գերազանցի հինգ տասնյակը: