կարևոր
3412 դիտում, 1 տարի առաջ - 2022-12-07 22:22
Աշխարհ

Ֆրանսիայի խորհրդարանի բանաձեւերը վնասում են ադրբեջանա-ֆրանսիական հարաբերություններին․ Ադրբեջանի ԱԳ նախարար

Ֆրանսիայի խորհրդարանի բանաձեւերը վնասում են ադրբեջանա-ֆրանսիական հարաբերություններին․ Ադրբեջանի ԱԳ նախարար

Ադրբեջանի արտաքին գործերի նախարար Ջեյհուն Բայրամովը հանդիպել է Ադրբեջանում Ֆրանսիայի նորանշանակ դեսպան Անն Բուայոնի հետ։

ԶԼՄ-ները, հղում անելով ԱԳՆ-ին, հաղորդում են, որ հանդիպման ժամանակ Ջեյհուն Բայրամովն ընդունել է Անն Բուայոնի հավատարմագրերի պատճենները եւ հաջողություն մաղթել նրան հետագա գործունեության մեջ։

«Հանդիպմանը քննարկվել է ադրբեջանա-ֆրանսիական հարաբերությունների ներկա վիճակը, տարածաշրջանում տիրող իրավիճակը, Ադրբեջանի եւ Հայաստանի միջեւ հարաբերությունների կարգավորումը, խաղաղության օրակարգը եւ այլ հարցեր:

Նախարարը նշել է, որ ֆրանսիական կողմի կանխակալ կարծիքները, Ֆրանսիայի խորհրդարանի բանաձեւերը վնասում են ադրբեջանա-ֆրանսիական հարաբերություններին եւ չեն նպաստում Բաքվի ու Երեւանի միջեւ խաղաղ գործընթացին։

Խոսելով Ադրբեջանի եւ Հայաստանի միջեւ հարաբերությունների կարգավորման գործընթացի մասին՝ Ջեյհուն Բայրամովը Բուայոնին տեղեկացրել է վերոնշյալ գործընթացը խթանելու համար ադրբեջանական կողմի ձեռնարկած քայլերի եւ նախաձեռնությունների մասին»,- ասվում է հաղորդագրության մեջ։ Ադրբեջանցի նախարարը մեղքը ուրիշի վրա գցելու առիթը բաց չի թողել եւ «ուշադրությունը հրավիրել է հայկական կողմի սադրանքների ու սպառնալիքների վրա»։