ՌԴ-ն հարված է հասցրել Ադրբեջանի հետ հարաբերություններին. Ադրբեջանի ԱԳՆ

Ադրբեջանի ԱԳՆ-ն ոչ բարեկամական քայլ է համարում ՌԴ Գերագույն դատարանի որոշումը, որն անփոփոխ է թողել «Համառուսաստանյան ադրբեջանական կոնգրես» հասարակական կազմակերպության լուծարման մասին որոշումը: Այդ մասին АзерТАдж-ին հայտնել է երկրի ԱԳՆ ղեկավար Հիքմեթ Հաջիևը:

Նրա խոսքով` այդ որոշումը լուրջ հարված է հասցնում երկու երկրների ռազմավարական գործընկերությանը:

Հաջիևը նշել է, որ դժվար է հասկանալ այդ որոշման պատճառը: «Այն ժամանակ, երբ ՌԴ-ում ադրբեջանական սփյուռքի նկատմամբ անարդար որոշումներ են կայացվում, Ռուսաստանի հայերի միությունն այնտեղ աջակցություն է վայելում և շարունակում իր գործունեությունը: Ամեն դեպքում մենք զարմացած ենք և ցավում ենք ընդունված որոշման համար»,- ասել է նա: