կարևոր
1405 դիտում, 1 շաբաթ առաջ - 2022-11-24 15:24
Տարածաշրջան

Հայկական բանակի հետ Կիպրոսի համատեղ զորավարժությունները «սադրանք» են. թուրքերը տարակուսանքի մեջ են

Հայկական բանակի հետ Կիպրոսի համատեղ զորավարժությունները «սադրանք» են. թուրքերը տարակուսանքի մեջ են

Թուրքական իշխանամետ Haber Global հեռուստաալիքը անդրադարձել է Կիպրոսում ՀՀ ԶՈՒ մասնակցությամբ տեղի ունեցող զորավարժություններին` այն «սադրանք» անվանելով:

«Հարավային Կիպրոսը (այդպես են Կիպրոսին անվանում թուրքերը) նոր սադրանք է կատարել. Հայկական բանակի հետ համատեղ վարժանքներ է կազմակերպել (կղզու) հունակիպրական հատվածում։ Կրկին ակնառու է Կիպրոսի հունական կառավարության անկեղծության բացակայությունը Կիպրոսի խնդրի լուծման հարցում։ Տարիներ շարունակ Ադրբեջանի տարածք ներխուժած հայկական բանակի հետ համատեղ զորավարժություններ կազմակերպեցին՝ նոր հարված հասցնելով կղզում երկկողմ բանակցություններին»։

Ըստ թուրքերի տրամաբանության` Թուրքիան իրավունք ունի զորավարժություններ անցկացնել Ադրբեջանի հետ` Հայաստանի սահմաններին և Արցախից օկուպացված հողերում, իսկ Կիպրոսի Հանրապետությունը սեփական երկրում, որի մոտ 30 տոկոսն օկուպացված է Թուրքիայի կողմից,  Հայաստանի հետ զորավարժության իրավունք չունի: