Կիպրոսի Հանրապետությունում ԱՄՆ դեսպանը դատապարտել է թուրքերի կողմից Կիպրոսի հայկական տաճարի պղծումը

Նիկոսիայում ԱՄՆ արտակարգ և լիազոր դեսպան Ջուդիթ Գարբերը դատապարտել է Թուրքիայի կողմից օկուպացված Կիրենիայում գտնվող հայկական պատմական Մակարավանք տաճարում տեղի ունեցած թուրքական միջոցառումը: Այս մասին դեսպանը գրել է Twitter-ում:

«ԱՄՆ դեսպանատունը խստորեն դատապարտում է Սուրբ Մակար հայկական վանքի սխալ շահագործումը: Կրոնի ազատությունը հիմնարար արժեք է: Մենք կրկնում ենք կրոնական առաջնորդների կոչը`ապահովել, որ բոլոր աղոթատեղիները` օգտագործվող կամ չօգտագործվող, պաշտպանված լինեն չարաշահումներից, վանդալիզմից կամ պղծումից»,- գրել է դեսպանը:

Նշենք, որ անցյալ շաբաթ, առանց թույլտվության, թուրք երիտասարդները միջոցառում էին անցկացրել Կիպրոսի Մակարավանքի բակում: