կարևոր
1615 դիտում, 2 ամիս առաջ - 2022-09-23 12:52
Աշխարհ Տարածաշրջան

Ադրբեջանը սպառնում է ոչ միայն հայկական պետությանը, այլեւ ժողովրդին. National Interest

Ադրբեջանը սպառնում է ոչ միայն հայկական պետությանը, այլեւ ժողովրդին. National Interest

Ամերիկյան հայտնի National Interest ամսագիրը իր հրապարակումներից մեկում գրում է, որ Ադրբեջանի կողմից հերթական ներխուժման հեռանկարը լուրջ վտանգ է ներկայացնում Հայաստանի գոյության համար։

Ադրբեջանի պաշտոնյաները պարբերաբար տարածքային պահանջներ են ներկայացրել Հայաստանի տարածքին։ Բաքվում բացեիբաց քննարկվել է Հայաստանի տարածքում «բուֆերային գոտու» ստեղծումը, ադրբեջանցի պատգամավորը կողմ է արտահայտվել նաև «Գոյչա-Զանգեզուրի Հանրապետության» ստեղծմանը, որը ենթադրում է Հայաստանի Հանրապետության տարածքի կեսի օկուպացիա. նշում է պարբերականը։

Ընդգծվում է նաեւ, որ Ադրբեջանը սպառնում է ոչ միայն հայկական պետությանը, այլեւ ժողովրդին։ Լեմկինի ցեղասպանության կանխարգելման ինստիտուտը նախազգուշացրել է, որ Ադրբեջանի կառավարության հայտարարությունները վկայում են «հայկական ինքնությունն ու տարածքը ոչնչացնելու շարունակական մտադրության մասին»: