National Interest-ը նշել է ռուսական սպառազինության հինգ լավագույն տեսակները

National Interest ամսագիրը թվարկել է ռուսական զենքի հինգ լավագույն տեսակները, որոնք ներկայացվել են Հաղթանակի օրվա շքերթի ժամանակ Մոսկվայում:

Ցուցակում առաջինը «Արմատա» ընտանիքի Т-14 հիմնական մարտական տանկն ու ծանր հետևակային մարտական մեքենա Т-15 են. հաղորդում է Gazeta.ru- ն:

«ՆԱՏՕ-ում T-15-ի ուղղակի նմանօրինակը չկա, այն ՀՄՄ–ի և զրահամեքենաների միջև ինչ–որ տեղ է»,- ասվում է հրապարակման մեջ:

Երկրորդ տեղը զբաղեցրել է RS-24 միջմայրցամաքային «Յարս» բալիստիկ հրթիռը: Հոդվածի հեղինակն այս համալիրն անվանել է «Տոպոլ»-ի և «Տոպոլ-Մ»-ի հավանական փոխարինող:

Երրորդ տեղը զբաղեցրել է «Ուրան-9» անօդաչու ցամաքային մարտական մեքենան: «Ուրան-9»-ը նախատեսված է ինտենսիվ մարտական գործողություններում հսկայական կրակային հզորություն ապահովելու համար՝  առանց ռուս զինծառայողների կյանքը վտանգելու»,- ասվում է հաղորդագրության մեջ:

Չորրորդ տեղում է «Կինժալ» գերձայնային հրթիռը, որը տեղակայվում է ՄիԳ-31Կ կործանիչների վրա:

Ս-400 «Տրիումֆ» համալիրը եզրափակում է ցուցակը: Հոդվածի հեղինակն այն համարում է ռուսական բարձրակարգ ռազմական արտահանման օրինակ: «Ս-400-ը ոչ միայն ավելի ընդունակ է, այլև՝ զգալիորեն ավելի բազմակողմանի, քան իր նախորդը՝ Ս-300- ը»,- ասվում է հրապարակման մեջ: