ԵՄ-ն կքննարկի Վրաստանի անդամակցության հարցը

Եվրախորհուրդը հայտնել է, որ Եվրամիությանն Ուկրաինայի և Վրաստանի անդամակցության դիմումը կքննարկվի հունիսին․ ասվում է ԵՄ խորհրդի պաշտոնական կայքում։

Զեկույցում նշվում է, որ Եվրախորհուրդը «ի գիտություն է ընդունում ԵՄ-ին անդամակցության հայտերի հանձնաժողովի եզրակացությունների նախապատրաստումը» Ուկրաինայի, Մոլդովայի և Վրաստանի համար և կվերադառնա այս հարցի քննարկմանը հունիսյան հանդիպման ժամանակ։

Ուկրաինան Եվրամիությանն անդամակցելու հայտ էր ներկայացրել փետրվարին՝ ռուսական ներխուժումից հետո։ Ուկրաինայի դեսպան Անդրեյ Մելնիկը պնդում է, որ Ուկրաինան կարող է անդամակցել ՆԱՏՕ-ին նույնքան արագ, որքան Ֆինլանդիան և Շվեդիան: Մայիսի սկզբին Եվրահանձնաժողովի նախագահ Ուրսուլա ֆոն դեր Լայենը հայտարարել էր, որ ԵՄ-ն Կիևի կարգավիճակի վերաբերյալ որոշում կկայացվի հունիսին։

Ուկրաինայից հետո ԵՄ անդամակցության դիմումներ են ներկայացրել Մոլդովան և Վրաստանը։