Թուրքիայի անդամակցության հարցը ծիծաղ է առաջացրել

«Դուք հավատո՞ւմ եք, որ Թուրքիան կան­դամակցի Մաքսային միու­թյանը» հարցը սրտաբուխ ծիծաղ է առաջացրել ԱԺ մի­ջանցքում «Հրապարակ» օրաթերթի թղթակցին հանդիպած Ղազախստանի ՊՆ նախկին փոխնախարար, պառլամենտի սենատոր Սերգեյ Գրոմովի մոտ: Եվ, այնուհանդերձ, ասել է, չէ՞, այդ մասին Ղազախստանի նախա­գահ Ն. Նազարբաեւը Մինսկում: «Նա դա ասաց ոչ այն է՝ լրջորեն, ոչ այն է՝ կատակով»: Կատակո՞վ, ի՞նչ եք ասում, իսկ մենք լրիվ լուրջ ենք ընդունել: «Այո, կատակով ասաց, որ իբր շատերը մեզ մեղադրում են, որ մենք Սովետ Միության նման բան ենք կառուցում, որ Ռու­սաստանն ուզում է ավելի բարձր լինել, որ...»: Իսկ մի՞թե այդպես չէ: «Ոչ, այդպես չէ. դրված է տնտեսական համագործակցության խնդիր, քաղաքականը գնում է երկրորդ պլան»: