Վրաստանի խորհրդարանը վաղը կքննարկի ընդդիմության 51 պատգամավորի լիազորությունները դադարեցնելու հարցը

Վրաստանի խորհրդարանի գարնանային նստաշրջանը կբացվի վաղը, որի առաջին լիագումար նիստի միակ հարցը 51 ընդդիմադիր պատգամավորների խորհրդարանական լիազորությունների դադարեցումն է:

Այս հարցը լիագումար նիստում կներկայացնի ընթացակարգային հարցերի և կանոնների հանձնաժողովի նախագահ Իրակլի Կադագիշվիլին:

Յուրաքանչյուր պատգամավորի համար քվեարկություն կանցկացվի առանձին: Որոշումը կընդունվի բանաձևով, իսկ բանաձևը ընդունված կհամարվի, եթե դրան աջակցի լիագումար նիստին ներկա գտնվողների մեծամասնությունը, բայց ամբողջ խորհրդարանի առնվազն մեկ երրորդը (50 պատգամավոր):

Պատգամավորները պահանջում են դադարեցնել իրենց պատգամավորական լիազորությունները իրենց որոշմամբ, հրաժարվելով իրենց մանդատներից՝ նրանք բողոքում են 2020-ի հոկտեմբերի 31-ին կայացած խորհրդարանական ընտրությունների արդյունքների դեմ․ Վրաստանի խորհրդարան մուտք գործած 60 ընդդիմադիրներից 54-ը դիմումներ են ներկայացրել իրենց պատգամավորական լիազորությունները դադարեցնելու մասին:

Կանոնակարգի համաձայն՝ խորհրդարանը պարտավոր է անհապաղ քննարկել խորհրդարանական լիազորությունների վաղաժամկետ դադարեցման հարցը և որոշում կայացնել: Օրենքի համաձայն՝ լիագումար նիստի օրակարգի այլ հարցերի քվեարկությունն անընդունելի է, քանի դեռ որոշում չի կայացվել խորհրդարանի պատգամավորի լիազորությունների վաղաժամկետ դադարեցման մասին: