ԵՄ-ն դադարեցրել է Վրաստանի անդամակցության գործընթացը

Եվրախորհուրդը կարծում է, որ Վրաստանի կառավարության գործողությունները հակասում են եվրոպական արժեքներին և սկզբունքներին, և, հետևաբար, Եվրամիությանը (ԵՄ) երկրի անդամակցության գործընթացը փաստացի կանգ է առել։ Այս մասին ասվում է Բրյուսելում կայացած գագաթնաժողովի արդյունքներով խորհրդի հայտարարության մեջ, գրում է kommersant.ru-ն։

«Եվրախորհուրդը հիշեցնում է, որ գործողությունների նման ընթացքը վտանգում է Վրաստանի եվրոպական ուղին և դե ֆակտո դադարեցնում է անդամակցության գործընթացը», - ասվում է մամուլի հաղորդագրության մեջ։

Եվրոպական խորհուրդը Վրաստանին կոչ է արել ընդունել «ժողովրդավարական, համապարփակ և կայուն բարեփոխումներ՝ եվրոպական ինտեգրման հիմնական սկզբունքներին համապատասխան»։

Հիշեցնենք՝ Վրաստանի հարաբերություններն արևմտյան երկրների հետ վատթարացան այն բանից հետո, երբ մայիսին Վրաստանի խորհրդարանը հաստատեց օտարերկրյա գործակալների մասին օրենքը։ Փաստաթուղթը ստացել է խորհրդարանականների աջակցությունը՝ չնայած երկրում զանգվածային բողոքի ցույցերին։ Վրաստանի նախագահ Սալոմե Զուրաբիշվիլին Սահմանադրական դատարանի միջոցով փորձել է կասեցնել օրենքը, սակայն դատարանը մերժել է։ ԵՄ-ն քննարկում է Վրաստանի հետ առանց վիզայի ռեժիմը կասեցնելու հարցը: