Հանրային ու քաղաքական շարժումների կանոններ ապագայի համար․ Ստեփան Դանիելյան

«Հանրային ու քաղաքական շարժումների կանոններ ապագայի համար

1. Հանրահավաքները մի սկսեք հացադուլներից: Եթե որևէ մեկը հացադուլի է նստում, պետք է վստահ լինի, որ հացադուլը շարունակելու է այնքան ժամանակ, մինչև իր պահանջը կատարվի, հակառակ դեպքում պետք է պատրաստ լինել հացադուլը ցմահ շարունակել:

2. Ցանկացած շարժման կազմակերպիչների ու որոշում կայացնողների անունները պետք է նշվի գործընթացի հենց սկզբից: Ամեն մի նախաձեռնություն պետք է ունենա կոնկրետ պատասխանատուներ:

3. Ցանկացած շարժում պետք է շատ հստակ նշի իր պահանջը, որը պետք է լինի չափելի:

4. Եթե պահանջը քաղաքական է, պետք է քաղաքական տեքստեր հրապարակվեն, այսինքն՝ երգարվեստի ու հուզիչ տեքստերից բացի, որոնք մարդկանց բնազդների վրա պետք է ազդեն, պետք է լինեն նաև սթափ, տրամաբանված մտքերի փոխկապակցված շարքեր:

P.S.

N1. Որևէ գործընթաց սկսելուց առաջ նախօրոք պետք է մտածված լինեն այդ գործընթացից դուրս գալու հնարավոր ելքերն ու հնարավոր վերջնարդյունքները:

N2. Եթե գործընթացը քաղաքական է ու մասնակիցներն ակնկալում են ապագայում կառավարություն ձևավորել, պետք է հասկանան, որ իրենց հետևում են արտաքին պարտնյորներն ու ամեն մի խոսք ազդելու է իրենց հանդեպ ունեցած վերաբերմունքի վրա, այսինքն, արդյոք որպես քաղաքական պարտնյոր դրսի խաղացողների կողմից կընդունվեն, թե կհամարվեն անլուրջ քաղաքական ուժ: Սա հատկապես կարևոր է մեր շուրջ ստեղծված ներկայիս պայթյունավտանգ իրավիճակում, երբ ամեն մի կայծ կարող է մեծ ռեգիոնալ պատերազմի հանգեցնել»:

Ստեփան Դանիելյան

Քաղաքագետ