Թուրքիան ԱՄՆ-ից 400 միլիոն դոլարի ռադարներ եւ հրթիռներ է խնդրել F-16 կործանիչների համար. WSJ

Անկարան ԱՄՆ-ին հայտ է ուղարկել հրթիռներ եւ ռադարներ գնելու համար, որոնք նախատեսված են Թուրքիային պատկանող ամերիկյան F-16 կործանիչների վրա տեղադրելու համար, թուրքական իշխանությունների պահանջած սարքավորումների ընդհանուր արժեքը գերազանցում է 400 միլիոն դոլարը, չորեքշաբթի հաղորդում է The Wall Street Journal-ը՝ վկայակոչելով աղբյուրները։

Նրա խոսքով, խոսքը Raytheon ընկերության AIM-120 AMRAAM «օդ-օդ» եւ Lockheed Martin- ընկերության AIM-9 Sidewinder հրթիռների, ինչպես նաեւ ռադարների եւ կործանիչների համար այլ սարքավորումների մասին է։ Այս հարցումը ԱՄՆ նախագահ Ջո Բայդենի վարչակազմն ուղարկել է Կոնգրեսում հաստատման։

Լրատվամիջոցը նշում է, որ գործարքը կարող է դառնալ նաեւ 40 նոր F-16 կործանիչների համար Անկարայի հայտի իրականացման բանալին: Ամերիկացի օրենսդիրները նախկինում դեմ էին Թուրքիային կործանիչներ վաճառելուն, սակայն թուրք պաշտոնյաները հուսով են, որ Ռուսաստանի եւ Ուկրաինայի միջեւ բանակցությունների միջնորդությունից հետո գործարքի հանդեպ վերաբերմունքը կարող է փոխվել Կապիտոլիումի բլրի վրա: Եթե կոնգրեսականները համաձայնեն, ապա ԱՄՆ-ը 2022 թվականին միաժամանակ եւ տեխնիկա, եւ կործանիչներ կուղարկի։

Թուրքիան ԱՄՆ-ից խնդրել է 40 հատ F-16 Block 70 եւ 80 կործանիչ արդիականացման կոմպլեկտներ իր ռազմաօդային ուժերին սպասարկող ինքնաթիռների համար: Անկարայում F-16 գնելու ցանկության մասին հայտարարվել է այն բանից հետո, երբ նրան հանել են հինգերորդ սերնդի F-35 կործանիչների արտադրության ծրագրից՝ կապված Ռուսաստանից Ս-400 հակաօդային պաշտպանության համակարգի ձեռքբերման հետ։

2022 թվականի մարտին Թուրքիայի եւ ԱՄՆ-ի ներկայացուցիչները բանակցություններ են վարել F-16-ի հարցի շուրջ։ Ինչպես այն ժամանակ հայտնել էր Թուրքիայի պաշտպանության նախարարը, դրանք դրական ընթացք են ունեցել։