Իրանը հեռահար ռադարներ ունեցող երկրների շարքում է

Իրանը միացել է հեռահար ռադարներ ունեցող երկրների համաշխարհային ակումբին: Այս մասին հոկտեմբերի 22-ին հայտնել է իրանական Mehr News գործակալությունը:

«Այն բանից հետո, երբ Քադիրի, Մորաքեբի և Բաշիրի ռադարները Modafe'an-e Aseman-e Velayat (վելայաթի երկնքի պաշտպաններ) զորավարժությունների ընթացքում կարողացան օդում հաջողությամբ պարզել իրենց թիրախները, Իրանը միացավ ժամանակակից հեռահար ռադարներով երկրների ակումբներին»,- հաղորդում է Mehr News- ը:

«Քադիր» ռադարային համակարգը իրանական արտադրանք է, որը նախագծվել և ստեղծվել է Իրանի իսլամական հեղափոխության պահապանների կորպուսի (ԻՊԿ) փորձագետների կողմից: Այս համակարգը բարդ տեխնոլոգիա է, որը հասանելի է միայն աշխարհի մի քանի երկրների:

Իրանի Իսլամական Հանրապետության օդատիեզերական ուժերի (ԻԻՀ) պաշտոնական ներկայացուցիչը լրագրողներին ասել է, որ բարձր տեխնոլոգիական սարքավորումների արտադրությունը և տեղադրումը չեն դադարի: