ՏԵՍԱՆՅՈՒԹ․ Սա 34 տարվա պայքար է և տակավին չենք հասել այն իշխանությանը, որը խոսքի տերն է․ Րաֆֆի Հովհաննիսյան

Սա 34 տարվա պայքար է և տակավին չենք հասել նրան, որ ունենանք ազատագրված հայրենիք և այն իշխանությունը, որը խոսքի տերն է՝ ըստ Yerkir.am-ի ասաց «Ժառանգություն» կուսակցության համահիմնադիր Րաֆֆի Հովհաննիսյանը, որը Ֆրանսիայի հրապարակում միացել է  «Դիմադրություն» շարժման համազգային հանրահավաքին։

Նա համարում է, որ Նիկոլ Փաշինյանը պետք է հեռանա։  

«4 տարի առաջ այդ շարժումը սեփականաշնորհվեց, ապականվեց և այսօր հայ ժողովուրդը հետ է բերում այդ շարժումը»,-ասաց Րաֆֆի Հովհաննիսյանը։

Նշենք, որ Ֆրանսիայի հրապարակում մեկնարկել է «Դիմադրություն» շարժման համազգային հանրահավաքը ապազգային իշխանությունների հեռացման, Հայաստանի և Արցախի Հանրապետությունները հայկական պահելու պահանջով։ Այստեղ միացել են  Հայաստանի խորհրդանշական 4 կողմերից՝ Իջևանից, Տիգրանաշենից, Սարդարապատից ու Ապարանից  Երևան եկած «Դիմադրություն» շարժման քայլերթերը, ինչպես նաև ապակենտրոն դիմադրության այլ շարժումներ, որոնք այս օրերին իրազեկման ակցիաներ էին իրականացնում մայրաքաղաքում։

Մանրամասն՝ տեսանյութում․