Իրանը հայտարարել է, որ միջուկային գործարքը կանգնեցվել է ԱՄՆ-ում ներքաղաքական իրավիճակի պատճառով

Վիեննայում միջուկային համաձայնագրի շուրջ բանակցությունների դադարեցումը պայմանավորված է նրանով, որ Սպիտակ տունը փորձում է օգտագործել իրավիճակը՝ ներքաղաքական խնդիրները լուծելու համար. մամուլի ասուլիսում հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն։

«Այն, ինչ տեղի ունեցավ Վիեննայում, ԱՄՆ-ի մեղքով բանակցությունների դադարեցումն է։ Պարզ դարձավ, որ Բայդենը և Սպիտակ տունը դեռ որոշում չեն կայացրել այս հարցի վերաբերյալ»,- ասել է նա։

Խաթիբզադեի խոսքով՝ ԱՄՆ-ը միջուկային գործարքի շուրջ ստեղծված իրավիճակը դարձրել է ներքին քաղաքականության մաս։ «Եթե ԱՄՆ-ը պատրաստ է ստորագրել համաձայնագիրը, ապա պետք է քաղաքական որոշում կայացնի»,- հավելել է նա։