Իրանը հայտարարել է, որ միջուկային համաձայնագիր կստորագրի միայն ԱՄՆ պատժամիջոցների վերացումից հետո

Թեհրանը պատրաստ է անհապաղ ստորագրել միջուկային համաձայնագիրը, հենց ԱՄՆ-ը չեղարկի հակաիրանական պատժամիջոցները. հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն։

Հայտարարությունն արվել է եվրոպական դիվանագիտության ղեկավար Էնրիկե Մորայի` Թեհրան այցի նախօրեին. գրում է IRNA-ն։

Մորան Իրան կժամանի միջուկային համաձայնագրի շուրջ բանակցելու և պատժամիջոցները չեղարկելու համար։

«Մորայի այցը ցույց է տալիս, որ մենք բանակցում ենք ճիշտ ուղղությամբ: Եթե ԱՄՆ-ն այսօր որոշի և վերադարձնի այն, ինչ վերցրել է Իրանի ժողովրդի գրպանից, մենք կարող ենք անհապաղ համաձայնագիր կնքել Մորայի այցից հետո»,- ասել է Խաթիբզադեն։