Իրանը հայտարարել է, որ պատրաստ է միջուկային գործարքի շրջանակներում երկխոսություն վարել ԱՄՆ նոր նախագահի հետ

Իրանը պատրաստ է միջուկային գործարքի շրջանակներում երկխոսության գնալ ԱՄՆ ցանկացած հաջորդ նախագահի հետ: Այս մասին երկուշաբթի հայտարարել է Իրանի արտաքին գործերի նախարարության պաշտոնական ներկայացուցիչ Սայիդ Խաթիբզադեն:

«Մենք ելնելու ենք այն բանից, թե ինչ քաղաքականություն է վարելու նոր կառավարությունը Միացյալ Նահանգներում՝ անկախ այն բանից, թե որ կուսակցությանն է նա պատկանում: Երկխոսության շրջանակը պարզ է՝ գործողությունների համատեղ համապարփակ ծրագիրը (JCPOA)», - ասել է նա:

Խաթիբզադեն հավելել է, որ «երկու կողմերն էլ (ԱՄՆ կուսակցությունների) գիտակցում էին, թե որքան ձախողված է իրենց քաղաքականությունը, և նրանք չեն հասել իրենց նպատակներին»: