ՏԵՍԱՆՅՈՒԹ․ Շատ հպարտ եմ, որ ՀՅԴ անդամ եմ՝ եղել եմ և կշարունակեմ լինել մինչև մահ․ Հրաչ Ջաբրայանը՝ դատարանում

Երևանի ընդհանուր իրավասության դատարանի Ավանի նստավայրում, որտեղ քննվում է կանադահայ գործարար, ՀՅԴ անդամ, բարերար Հրաչ Ջաբրայանի գործը՝ ֆեյսբուքով դավաճանին ահաբեկելու կոչ անելու համար մեղադրանքվ, դատախազը հարց ուղղեց՝ դուք որևէ կուսակցության անդամ եղե՞լ եք, թե՞ ոչ՝ հայտնում է Yerkir.am-ը։

«Ես շատ հպարտ եմ, որ Հայ Հեղափոխական Դաշնակցության անդամ եմ՝ եղել եմ և կշարունակեմ լինել մինչև մահ՝ ծառայելով իմ ազգին Դաշնակցության միջոցով»,-ասաց Հրաչ Ջաբրայանը։

Ավելի վաղ նա ազդեցիկ ելույթ էր ունեցել դատարանում։

Նշենք, որ կանադահայ գործարար, ՀՅԴ անդամ, բարերար Հրաչ Ջաբրայանին մեղադրանք է առաջադրվել իբրև թե բռնություն գործադրելու կոչեր պարունակող ֆեյսբուքյան գրառման համար, որը նշում էր․ «գրել եմ նոյեմբերի 10-ին… մնում եմ նույն կարծիքին… ահաբեկել դավաճաններին… Դաշնակցություն, արդեն շատ ուշացաք…խփեք դավաճանին»։ Նա որևէ անուն չի նշել, բայց հասցեատեր, փաստորեն, գտնվել է:

Հրաչ Ջաբրայանը, երբ դիմել է կացության իրավունք ստանալու համար՝ վարչապետի աշխատակազմը մերժել է, միևնույն ժամանակ չի թողնում, որ երկրից դուրս գա։

Մանրամասն՝ տեսանյութում․