Կշարունակեմ քրտնաջան աշխատել, որպեսզի հաջորդ խաղաշրջանում շարք վերադառնամ. Արաս Օզբիլիս

Հայաստանի ազգային հավաքականի և «Սպարտակ»-ի կիսապաշտպան Արաս Օզբիլիսը ծնկի վիրահատությունից հետո շարունակում է վերականգնողական կուրսեր անցնել: Արասն այսօր թիմի հետ մարզվել է անհատական ծրագրով:

 «Վիրահատությունից հետո առաջին ամիսը սարսափելի էր:  Ու թեեւ արդեն 2-րդ օրն է` սկսել եմ վերականգնողական կուրսը, սակայն հիմնականում կարողանում էի միայն նստել: Դրանից հետո աստիճանաբար ավելացնում էի ինչ-որ բան:  Հիմա արդեն սկսել եմ մարզվել խոտածածկի վրա, ինչի համար շատ ուրախ եմ:  Երկրպագուների աջակցությունն, իհարկե, ինձ օգնում է: Շնորհակալություն բոլորին բարի խոսքերի համար: Առաջնության առաջին կեսից հետո արձակուրդ չեմ գնալու: Կշարունակեմ քրտնաջան աշխատել, որպեսզի հաջորդ խաղաշրջանում շարք վերադառնամ»,- հայ ֆուտբոլիստի խոսքերն է մեջբերում «Սպարտակ»-ի պաշտոնական կայքը: