Աշխարհում գործում է ուժը, եթե չես կարողանում ոչինչ առաջարկել, ուրեմն քո տեղը թանգարանն է. Դավիթ Հարությունյան

Հետպատերազմյան իրականությունում հայկական պետությունն ու պետականությունը պահպանելու, այն ազգային շահերի վրա առաջ տանելու գործը կախված է հասարակությունից, որին պետք է ակտիվացնել: Այս մասին «Հայկական օրակարգ, հետպատերազմյան անելիքներ» թեմայով քննարկման ժամանակ ասաց արդարադատության նախկին նախարար, ՀՀԿ փոխնախագահ Դավիթ Հարությունյանը։

«Շեշտադրումը պետք է լինի երիտասարդների վրա, պետք է նրանց ակտիվացնել։ Ոչ թե քաղաքական նոր կուսակցություն հիմնել, այլ նրանց դարձնել սեփական երկրի ճակատագրի նկատմամբ ոչ անտարբեր և ոչ հարմարվող, չընդունող այսօրվա իրողությունը։ Եթե մենք այդ ամբիցիան կարողանանք արթնացնել, վստահեցնում եմ՝ մնացած պրոցեսը զարգանալու է ինքնուրույն», - ասաց նա։