Մեծ Բրիտանիան վերսկսում է զենքի արտահանումը Թուրքիա

Մեծ Բրիտանիան գաղտնի վերսկսել է զենքի արտահանումը ՆԱՏՕ-ի իր դաշնակից Թուրքիա։ Միևնույն ժամանակ, թուրքական վերջին գործողությունը Սիրիայում ուղղված էր Միացյալ Թագավորության քուրդ դաշնակիցների դեմ, որոնք  կռվում էին Իսլամական պետության դեմ. հայտնում է Declassified UK հետաքննական կայքը։

Զեկույցում, որը պատրաստել է Մեթ Բրումֆիլդը, ասվում է, որ Մեծ Բրիտանիան վերսկսել է զենքի արտահանումը ՆԱՏՕ-ի իր դաշնակից Թուրքիային՝ փորձելով դա անել աննկատ: Դրանում ասվում է. «Մեծ Բրիտանիայի կառավարությունը նախկինում կասեցրել էր նոր գործարքները, որոնք կնքել էր Թուրքիայի հետ զենքի մատակարարման համար, որը կարող էր կիրառվել ներխուժման ժամանակ: Այնուամենայնիվ, անցյալ դեկտեմբերին Բորիս Ջոնսոնի կառավարությունը լուռ կերպով վերականգնեց ստանդարտ լիցենզավորումը»:

Declassified UK-ն նաև հայտնում է. «Այժմ Մեծ Բրիտանիան կրկին զինում է Թուրքիային, մինչդեռ  ՆԱՏՕ-ի նրա դաշնակիցն աջակցում է «Իսլամական պետության» նախկին գրոհայիններին և մեղսակից է Սիրիայի հյուսիսում և արևելքում ու այլուր մարդու իրավունքների զանգվածային խախտումներին»: