Գերմանիան արգելափակել է իր արտադրության զենքի արտահանումը Ուկրաինա

Գերմանիան Էստոնիայից Ուկրաինա իր զենքի արտահանման թույլտվություն չի տվել։ Տալլինը շարունակում է ձգտել Կիևին գերմանական արտադրության հրետանի փոխանցել:

«Զենքի արտահանումը կարգավորող սկզբունքը միշտ նույնն է՝ անկախ այն բանից՝ դրանք ուղղակիորեն գալիս են Գերմանիայից, թե երրորդ երկրներից, և այս փուլում որևէ թույլտվություն չի տրվել», - The Wall Street Journal-ին (WSJ) ասել է Գերմանիայի կառավարության խոսնակը:

Էստոնիայի պաշտպանության նախարարի խորհրդական Քրիստո Անն Վագան հույս ունի, որ Տալլինը թույլտվություն կստանա։ Նրա խոսքով՝ Էստոնիան ցանկանում է օգնել Ուկրաինային։

Ուկրաինայի ԱԳՆ ղեկավարն, իր հերթին, կարծում է, որ գերմանական կողմի վերջին հայտարարությունները «չեն համապատասխանում հարաբերությունների մակարդակին և անվտանգության ներկա իրավիճակին»։