Իրանն ու Ադրբեջանը նոր կամուրջ են կառուցում. ավելացել են տրանսպորտային հոսքերը` ի հաշիվ Հայաստանի

Ադրբեջանն ու Իրանը պայմանավորվել են Աստարաչայ գետի վրա նոր ճանապարհային կամուրջ կառուցել. հաղորդում են իրանական լրատվամիջոցները՝ հղում անելով Իրանի Իսլամական Հանրապետության ճանապարհների և քաղաքաշինության փոխնախարար Հեյրուլա Խադեմիին։

Նրա խոսքով՝ կամրջի կառուցումն իրականացվում է երկու երկրների միջև տրանսպորտային հոսքերի և միջազգային տարանցման ավելացման նպատակով։ Չորս գոտիներով կամուրջը կունենա 97 մետր երկարություն։

Հիշեցնենք, որ Իրանը նախկինում նախընտրում էր ավելի շատ օգտագործել հայկական երթուղին, քան ադրբեջանականը, սակայն ՀՀ իշխանությունների «շնորհիվ», Գորիս-Կապան միջպետական ճանապարհի մի հատվածը հայտնվել է թշնամու վերահսկողության տակ, որով անցնելիս այժմ իրանցիները հարկադրաբար տուրք են վճարում, իսկ Տաթև-Աղվանի նոր ճանապարհը անհարմար է իրանական բեռնատարների համար: