Սելավային ավելցուկային հոսքերը կտրամադրվեն գյուղացիական տնտեսություններին

Կառավարությունը սելավային ավելցուկային հոսքերը կտրամադրի գյուղացիական տնտեսություններին: Կառավարության նիստի մեկնարկին ՀՀ վարչապետ Հովիկ Աբրահամյանը տեղեկացրեց, որ համապատասխան որոշման նախագիծն ընդգրկվել է գործադիրի այսօրվա նիստի օրակարգում:

«Այս հարցը մենք քննարկել ենք գյուղատնտեսության նախարարությունում, ՀՀ նախագահի հետ: Որոշում ենք կայացրել` 2015թ. մայիսին գետերի հեղեղումները կանխելու համար թույլատրել «Սևան-Հրազդան» և «Ախուրյան-Արաքս» ՓԲԸ-ներին` գետերի վարարումները մայր ջրանցքների միջոցով բեռնաթափելու ժամանակ ոռոգման ջուրը օգտագործողներին տրամադրել առանց հասույթ ձևավորելու», - նշեց վարչապետը:

Նրա խոսքով՝ այս որոշմամբ հողօգտագործողներին կարևորագույն աջակցություն է ցուցաբերվում: