Մոսկվան ափսոսում է Վրաստանի՝ «3 + 3» ձևաչափին մասնակցելուց հրաժարվելու համար

ՌԴ-ում Շվեյցարիայի արտակարգ և լիազոր դեսպան Քրիստինա Մարտի Լանգի հետ հանդիպման ժամանակ ՌԴ Դաշնային խորհրդի միջազգային կոմիտեի ղեկավար Գրիգորի Կարասինը ափսոսանք է հայտնել Վրաստանի՝ «3+3» տարածաշրջանային խորհրդատվական մեխանիզմին մասնակցելուց հրաժարվելու կապակցությամբ. հայտնում է Sputnik-ի վրացական ծառայությունը:

«Ցավալի է, որ Թբիլիսին հրաժարվեց մասնակցել «3+3» (Ադրբեջան-Հայաստան-Վրաստան + Ռուսաստան-Իրան-Թուրքիա) տարածաշրջանային խորհրդատվական մեխանիզմի բացման հանդիպմանը՝ չնայած առկա բոլոր հակասություններին»,- ասել է Կարասինը։

Բանակցությունների ընթացքում ևս մեկ անգամ ընդգծվել է Անդրկովկասում անվտանգության և կայունության վերաբերյալ Ժնևյան քննարկումների կարևորությունը։