Այս պահին Երևանում sett-weather
Փոխարժեքներ 29 10 2025
USD ⚊ $ 382.78
EUR ⚊ € 446.44
RUB ⚊ ₽ 4.7824
GBP ⚊ £ 509.98
GEL ⚊ ₾ 140.95
կարևոր
0 դիտում, 6 տարի առաջ - 2019-10-07 16:57
Քաղաքական

Հեյդար Ալիևը կողմ է եղել բանակցությունների եռակողմ ձևաչափին․ Հայ Դատի հանձնախումբը փաստաթուղթ է հրապարակել

Հեյդար Ալիևը կողմ է եղել բանակցությունների եռակողմ ձևաչափին․ Հայ Դատի հանձնախումբը փաստաթուղթ է հրապարակել

ԱՄՆ Հայ դատի հանձնախումբը հրապարակել է Սպիտակ տան գաղտնի մի փաստաթուղթ, որում մանրամասներ են ներկայացվում 1997 թ. օգոստոսի 1-ին Օվալաձև աշխատասենյակում ԱՄՆ նախկին նախագահ Բիլ Քլինթոնի և Ադրբեջանի նախկին նախագահ Հեյդար Ալիևի հանդիպման ընթացքում տեղի ունեցած խոսակցությունից:

Հայ դատի հանձնախմբի «Թվիթեր»-ի միկրոբլոգի հրապարակման և գրառման մեջ մի շարք մանրամասներ են բացահայտվում առ այն, որ Հեյդար Ալիևը դեմ չի եղել Ղարաբաղյան հիմնախնդրի կարգավորման շուրջ ԵԱՀԿ-ի հովանու ներքո բանակցություններում Արցախը՝ որպես բանակցող կողմ ներգրավելուն:

Ալիևը մանրամասնել է. «Ուղղակի բանակցությունների համար Ադրբեջանը, Հայաստանը և Լեռնային Ղարաբաղը ներկայացված են Մինսկի խմբի գործընթացում: Մենք սա շարունակելու ենք...»:

Նախագահների խոսակցության սղագրությունից երևում է նաև, թե ինչպես է Հեյդար Ալիևը նշում, որ Ադրբեջանն «ամենաշատը վստահում է Միացյալ Նահանգներին», ու իր համոզմամբ՝ Լեռնային Ղարաբաղի խնդրում ԱՄՆ-ը կարող է բոլորից կարևոր դեր ունենալ:

Իր հերթին, Բիլ Քլինթոնը նշել էր, որ ԱՄՆ-ը շատ լրջորեն է մոտենում ԵԱՀԿ Մինսկի խմբում համանախագահությանը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը