Թուրքերն ու թուրքամետ խմբավորումները շարունակում են ոչնչացնել Սիրիայի պատմական ժառանգությունը. SOHR

Մարդու իրավունքների մոնիտորինգի սիրիական կենտրոնը (SOHR) հայտնել է, որ Թուրքիայի աջակցությունը վայելող՝ Սիրիայի ազգային բանակի պարագլուխները շարունակում են հնագիտական վայրերի պեղումները: Նրանք որոնում են հնագիտական արժեքներ՝ Ալ Բաբից մինչև Աֆրին՝ Հալեպի գյուղերում:

Նկարագրելով թուրքական օկուպացիան՝ SOHR-ը հայտնել է, որ «Ալ Համզա» ստորաբաժանումը հնություններ է որոնում Ալ Արդ ալ Զարկայում՝ Ալ Բաբի Քրեյզաթ շրջանում: Խմբավորման ղեկավար Աբու Ազաբ ալ Նաջհարը զբաղված է պեղումների կազմակերպմամբ։ Նրա ղեկավարությամբ վրանային ճամբարներ են ստեղծվում այն մարդկանց համար, որոնք փնտրում են հնագույն իրեր և մասունքներ:

SOHR-ը նաև հայտնել է, որ Աիրիայի ազգային բանակի պեղումները երեք տարի շարունակ իրականացվում են Աֆրինի Շեյխո Ռազա գյուղի Ալ Բիր բլրի վրա, որը հնագիտական նշանակալի վայր է: Այս աշխատանքի արդյունքում բլուրը գործնականում հավասարեցվել է գետնին: Խմբի անդամները նաև կտրել են ձիթենու ծառեր և բուլդոզերներով ոչնչացրել բլրի շրջակայքը՝ փնտրելով պատմական գանձեր: