Թեհրանն ասել է, որ Իրանի միջուկային խնդիրն արդեն լուծված է

Իրանի արտաքին գործերի նախարարի քաղաքական հարցերով տեղակալ Ալի Բաղերի-Կանին ասել է, որ Վիեննայում ՀԳՀԾ-ի իրականացման մոնիտորինգի համատեղ հանձնաժողովի առաջիկա բանակցությունները չեն անդրադառնա միջուկային խնդրին, որն արդեն լուծված է, այլ կենտրոնանալու է 2015 թվականի բազմակողմ գործարքից ԱՄՆ-ի դուրս գալու և Իրանի Իսլամական Հանրապետության դեմ սահմանված անօրինական պատժամիջոցների չեղարկման վրա. հայտնում է Parstoday-ը։

Այդ մասին Ալի Բաղերի-Կանին ասել է IRIB-ին տված հարցազրույցում այն բանից հետո, երբ Ֆրանսիան հայտարարել է, որ Իրանի հետ բանակցությունները պետք է վերսկսվեն այնտեղ, որտեղ թողել են:

«Մենք միջուկային ծրագրի շուրջ բանակցություններ չունենք, քանի որ միջուկային խնդիրը լուծվել է 2015 թվականին Իրանի և «5+1» խմբի՝ ԱՄՆ-ի, Ֆրանսիայի, Բրիտանիայի, Գերմանիայի, Ռուսաստանի և Չինաստանի միջև ձեռք բերված համաձայնության տեսքով»,- ասել է Բաղերի-Կանին։

Սպասվում է, որ Իրանը և «4+1»  խումբը բանակցությունների յոթերորդ փուլը կանցկացնեն նոյեմբերի 29-ին Վիեննայում։