Չեմ կարծում, որ ԱՄՆ-ն Իրանի դեմ լուրջ ու մեծ պատերազմ կսկսի, Իրանի խնդիրն է պահպանել ռեգիոնում դիրքերը․ Ալեքսանդր Իսկանդարյան

«Չնայած Թրամփի քաղաքականությանը և Իրանի դեմ հնչող անվերջ սպառնալիքներին, ես չեմ կարծում, որ իրական պատերազմ կլինի»։ Այս մասին ապրիլի 3-ին լրագրողների հետ զրույցում ասաց քաղաքագետ Ալեքսանդր Իսկանդարյանը։ Միաժամանակ, իր գնահատմամբ՝ Իրանին անհրաժեշտ է ջանքեր գործադրել դիրքերը պահպանելու, այլ ոչ թե դրանք ավելացնելու համար։

«Այժմ ժամանակաշրջանը չափազանց բարդ է: Ես նկարտի ունեմ ոչ միայն Հարավային Կովկասի, այլև Իրանի համար: Տարածաշրջանի կոնֆիգուրացիան փոխվում է, Թուրքիան ուժեղանում է ոչ միայն Հարավային Կովկասում, այլ նաև Մերձավոր Արևելքում: Այս պայմաններում Իրանի համար շատ կարևոր է առնվազն չկորցնել դիրքերն իր շուրջ:  Հավանաբար դրանով է բացատրվում Թեհրանի վարած քաղաքականությունը։ Իրադարձությունների հետագա զարգացումը կախված է բազմաթիվ գործոններից՝ սկսած ուկրաինական պատերազմից մինչև Միացյալ Նահանգների դիրքորոշումը»,- ասաց Իսկանդարյանը։