Թեհրանն արձագանքել է ադրբեջանական ոստիկանության կողմից ՀՀ տարածքում իրանական բեռնատարների ստուգումներին

Թեհրանը ձգտում է զարգացնել հարաբերությունները տարբեր պետությունների հետ: Այս մասին ասվում է Իրանի ԱԳՆ պաշտոնական ներկայացուցիչ Սաիդ Խաթիբզադեի հայտարարության մեջ, որը հրապարակվել է ադրբեջանցի ոստիկանների կողմից ՀՀ տարածքում՝ Գորիս-Կապան ճանապարհին, իրանական բեռնատարները ստուգելու կապակցությամբ:

«Մենք փորձում ենք Իրանի Իսլամական Հանրապետության կարողությունները օգտագործել բոլոր հարևանների մասնակցությամբ տարածաշրջանային զարգացման, խաղաղության և կայունության համար: Մասնավորապես՝ օրակարգում են մեր հարաբերությունները Հայաստանի, ինչպես նաև մեր մյուս հարևանների հետ»,- ասվում է Խաթիբզադեի հայտարարության մեջ:

Նա նշել է, որ Թեհրանը նպատակ ունի ընդլայնելու հարաբերությունները հարևան երկրների հետ, սակայն միաժամանակ մտադիր է դա անել հավասարակշռված կերպով ՝ հաշվի առնելով իր շահերը: