Իրանը հայտարարել է Ադրբեջանի հետ համաձայնության մասին

Ադրբեջանն ու Իրանը պայմանավորվել են համատեղ կոմիտե կազմակերպել. հայտնել է Իրանի արտգործնախարար Հուսեյն Ամիր Աբդոլլահիանը։

Նշելով, որ Թեհրանի և Բաքվի հարաբերությունները զարգանում են դրական ճանապարհով, նա ասել է, որ «համատեղ կոմիտեն կաշխատի երկու երկրներում հասարակական կարծիքի և լրատվամիջոցների մթնոլորտի կառավարման ուղղությամբ»:

Ինչ վերաբերում է երկու հարևան երկրների հարաբերություններում որոշ հարցերում տարաձայնությունների առկայությանը, Իրանի արտգործնախարարն ասել է, որ կարևոր է, որ երկու կողմերն էլ լուրջ կամք են դրսևորել խոչընդոտները հաղթահարելու համար։

«Ես և իմ գործընկեր պարոն Ջեյհուն Բայրամովը մշտական կապի մեջ ենք և դրական քննարկումներ ենք անցկացնում՝ երկու երկրների միջև հարաբերությունները համակողմանի զարգացնելու և որոշ թյուրիմացություններ հաղթահարելու համար»,- ասել է նա։

Աբդոլլահիանը հավելել է, որ Իրանը իր հարեւաններին համարում է «մոտ բարեկամներ»: