Իրանը հայտարարել է Ադրբեջանի և Հայաստանի վեճերը լուծելու պատրաստակամության մասին

Իրանի Իսլամական Հանրապետության նախագահ Էբրահիմ Ռայիսին հանդիպում է ունեցել Հայաստանի ԱԳ նախարար Արարատ Միրզոյանի հետ: Այս մասին տեղեկացնում է «IRNA» գործակալությունը:

Հանդիպմանը նա հայտարարել է Թեհրանի պատրաստակամությունը՝ լուծելու Ադրբեջանի և Հայաստանի միջև վեճերը, փոխանցում է Irna գործակալությունը։

Հանդիպման ընթացքում Միրզոյանն ու Ռայիսին քննարկել են տարածաշրջանային և միջազգային անվտանգությանն առնչվող հարցեր։

Իրանի նախագահը նշել է, որ երկու հարևան և բարեկամ երկրների միջև ձևավորվել է բարձր մակարդակի քաղաքական երկխոսություն՝ հիմնված փոխադարձ հարգանքի և երկու ժողովուրդների հազարամյա եղբայրության վրա։