Հուլուսի Աքարը հայտարարել է, որ եթե ԱՄՆ-ի հետ համաձայնության չգան, միայնակ կստեղծեն անվտանգության գոտին Սիրիայում

Թուրքիայի պաշտպանության նախարար Հուլուսի Աքարը ԱՄՆ Պենտագոնի ղեկավար Մարկ Էսփերի հետ հեռախոսազրույցում քննարկել է Սիրիայում անվտանգության գոտու ստեղծմումը և հայտարարել, որ եթե համաձայնության չգան այդ հարցում, ապա Թուրքիան միայնակ կստեղծի այն. հաղորդում է BBC-ի թուրքական ծառայությունը:

Բացի այդ` Աքարը նշել է, որ Թուրքիան հույս ունի, որ ԱՄՆ-ը վերջ կտա Սիրիայի քրդերին աջակցությանը: «Թուրքիան թույլ չի տա, որ իր հարավում ահաբեկչական միջանցք բացվի: Թուրքիան ոչ միայն իր և իր ժողովրդի անվտանգությունն է ցանկանում, այլև այս տարածաշրջանում ապրող քրդերի, արաբների, ասորիների, քրիստոնյաների, եզդիների և այլ կրոնական ու էթնիկ խմբերի»,- հայտարարել է նա: