Իրանը հայտարարել է Ադրբեջանի հետ Կասպից ծովի նավթահանքերի համատեղ շահագործման վերաբերյալ համաձայնագիր ստորագրելու մասին

Իրանն ու Ադրբեջանը առաջիկա շաբաթներին կարող են համաձայնագիր ստորագրել Կասպից ծովում նավթի և գազի հանքավայրերի համատեղ շահագործման վերաբերյալ։ Այդ մասին Թեհրանում Ադրբեջանի փոխվարչապետ Շահին Մուսթաֆաեւի հետ հանդիպումից հետո հայտարարել է Իրանի նավթի նախարար Ջավադ Օուջին։

«Ադրբեջանական պատվիրակության հետ կառուցողական հանդիպում է կայացել, և ձեռք են բերվել կարևոր պայմանավորվածություններ»,- նրան մեջբերում է «Շանա» գործակալությունը։

Իրանցի քաղաքական գործիչը հույս է հայտնել, որ «առաջիկա շաբաթներին Ադրբեջանի հետ լավ համաձայնագիր կստորագրվի նավթագազային ոլորտում՝ Կասպից ծովում նավթի ու գազի հանքավայրերի շահագործման հարցերում»։