ՌԴ-ն, Իրանը և Թուրքիան համաձայնության չեն եկել Իդլիբի հարցում

Արդեն տեղեկացրել ենք, որ երեկ Թեհրանում կայացել է ՌԴ-ի, Իրանի և Թուրքիայի նախագահների եռակողմ հանդիպումը սիրիական կարգավորման հարցով:

 Գերմանական «Դոյչե վելե»-ն նշում է, որ նախագահները չեն կարողացել միասնական դիրքորոշման գալ Իդլիբում սիրիական ուժերի գործողության վերաբերյալ հարցում:  Ընդունված հռչակագրում ոչինչ չի ասվում հստակ քայլերի մասին: Նշվում է միայն Սիրիայի քաղաքացիական բնակչության պաշտպանութան, հումանիտար իրավիճակը բարելավելու պատրաստակամության և «Իսլամական պետության» ու «Ջեբհաթ ան Նուսրա» խմբավորումների դեմ գործողությունները շարունակելու մտադրության մասին:

Նշենք, որ Իդլիբում գործողությանը մասնավորապես դեմ է եղել Ռեջեփ Թայիփ Էրդողանը, ով այդ մասին բարձրաձայնել է: