Եթե բնակչության 5 տոկոսը վճռականությամբ պայքարի իշխանության դեմ, ոչ մի իշխանություն չի դիմանա․ Ռոբերտ Քոչարյան

Ես մի բան գիտեմ միանշանակ, որ եթե բնակչության, օրինակ, 20 տոկոսը շատ ակտիվ պայքարի իշխանափոխության համար՝ չխնայելով սեփական ժամանակը, չնայելով օրվա տրամադրությանը, ապա ոչ մի իշխանություն չի դիմանա։ Այսօր՝ հոկտեմբերի 4-ի ասուլիսում ասաց ՀՀ երկրորդ նախագահ Ռոբերտ Քոչարյանը։

«Նույնիսկ եթե բնակչության 5 տոկոսը վճռականությամբ պայքարի իշխանութայն դեմ, ոչ մի իշխանություն չի դիմանա։ Խոսքը զանգվածային պայքարի մասին է։ Եթե չհաջողվի հասնել այդ նպատակին, այո՛, ուրեմն չենք հաջողելու։ Բայց մեզ ընտրողների 21 տոկոսը ձայն է տվել, ընդհանրապես 400 հազար մարդ համարում է այս իշխանությանը դավաճան, կապիտուլյանտ, հողատու։ Համոզված եմ, որ իրականում այդ թիվը շատ ավելի մեծ է, նույնիսկ այդ զանգվածի 1/3-ը մտնի ակտիվ պայքարի մեջ, ոչ մի իշխանություն չի դիմանա, սա փաստ է»,- ասել է Ռոբերտ Քոչարյանը։