Թուրքական մաֆիայի՝ երկրից փախած ղեկավարը մտադիր է գալ Հայաստան

Թուրքիայից փախած Սեդաթ Փեքերը, որը համարվում է թուրքական մաֆիայի պարագլուխը,  Twitter-ի միկրոբլոգում գրել է, թե ուղևորվում է Սիրիա, այնտեղից՝ Կիպրոսի հունական հատված, Հունաստան և Հայաստան:

Հատկանշական է, որ Սեդաթ Փեքերն իր գրառման վերջում իրեն անվանել  է «համաշխարհային խաղաղության դեսպան»։

«Ընկերնե՛ր, դուք ասում եք, որ Սեդաթ Փեքերն արել է այն, ինչ ընդդիմությունը չէր կարող անել 20 տարվա ընթացքում, բայց իմ ծառայությունը դեռ չի ավարտվել: Արտաքին քաղաքականությանը նպաստելու համար ես մեկնում եմ Սիրիա, այնտեղից` Կիպրոսի հունական հատված, Հունաստան և Հայաստան:

Համաշխարհային խաղաղության դեսպան Սեդաթ Փեքեր»,- գրել է նա։

Հիշեցնենք, որ ԱՄԷ-ում գտնվող Փեքերը մայիսի սկզբից սկսել էր «Յութուբ»-ում տեսնայութեր հրապարակել՝ բացահայտելով թուրք պաշտոնյաների հանցագործությունները։