Թշնամու ԱԹՍ-ները՝ Հայաստանի խորը թիկունքում՝ սահմանից 30 կմ ներս

Թշնամու անօդաչուն հայկական զինուժը ոչնչացրել է Գեղարքունիքի խորը թիկունքում՝ սահմանից 30 կիլոմետր հեռավորության վրա՝ Վանեվան գյուղից 3,5 կիլոմետր հյուսիս։

«Հա, ձեները լսել ենք։ Թշնամուց շատ հեռու ենք, մի 30 կիլոմետր հեռու ենք։ Էս պահին ԱԹՍ-ների ձայներ չկան, ոչ մի բան չկա։ Նորմալ, հանգիստ է»,-Yerkir.am-ին հայտնեց Վանեվան գյուղի ղեկավար Իգր Հարությունյանը։

Հիշեցնենք, որ պաշտպանության նախարարությունը հաղորդագրություն է տարածել, ըստ որի՝  հուլիսի 29-ին, ժամը 23։00-ից սկսած, հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարածք մուտք գործելու փորձեր։ ՀՀ ԶՈՒ հակաօդային պաշտպանության ստորաբաժանումների գործողությունների արդյունքում բոլոր փորձերը կասեցվել են։ Մասնավորապես՝ խոցվել է Ադրբեջանի ԶՈՒ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։