«Տոր» ԶՀԿ-ները մեծ խմբաքանակով ոչնչացնում են թուրքական «Բայրաքթար»-ները. Русская Весна

ՌԴ պաշտպանության նախարարությունը հրապարակել է «Տոր» մարտավարական զենիթահրթիռային համակարգի հաշվարկի աշխատանքի կադրերը։ Նախարարությունը հայտնել է Ուկրաինայի ռազմաօդային ուժերի «Բայրաքթար» մարտական անօդաչու թռչող սարքերի դեմ զենքի արդյունավետության մասին. գրում է  Русская Весна պորտալը։

«Մահվան մեքենայի» հաշվարկի հրամանատար Սերգեյ Պաչեպկան կարճ հարցազրույց է տվել մամուլին։ Նա ամենայն պատասխանատվությամբ հայտարարել է, որ «Տոր» հակաօդային պաշտպանության համակարգը հուսալիորեն պաշտպանում է երկինքը Ռուսաստանի հատուկ ռազմական գործողության տարածքում։

Իր մարտական հերթապահության ընթացքում ռուսական բանակի ԶՀԿ հաշվարկը հայտնաբերել և վերացրել է Ուկրաինայի ռազմաօդային ուժերի 20 օդային օբյեկտ։ Խփված օբյեկտների թվում են թուրքական արտադրության «Բայրաքթար» անօդաչու թռչող սարքերը, որոնք ուկրաինացի զինվորականները համարում են իրենց «սուպերզենքը»: