Բայդենը և Մերկելը ստորագրել են «Վաշինգտոնյան հռչակագիրը»

Հանդիպումից հետո ԱՄՆ նախագահ Ջո Բայդենը և Գերմանիայի կանցլեր Անգելա Մերկելը ստորագրել են Վաշինգտոնի հռչակագիրը: Ամերիկայի նախագահը բացատրել է, որ փաստաթուղթն ընդունվել է ի պաշտպանություն ժողովրդավարության: Հռչակագիրը հրապարակվել է Սպիտակ տան կայքում. հայտնում է «Կոմերսանտը»:

Ըստ Բայդենի՝ Վաշինգտոնի հռչակագիրը փաստաթուղթ է, որը վերահաստատում է ԱՄՆ-ի և Գերմանիայի «հավատարմությունը ժողովրդավարական հաստատուն սկզբունքներին»:

Հռչակագրում ասվում է, որ երկրները կխորացնեն տնտեսական, գիտական և տեխնիկական համագործակցությունը: Նրանք ուզում են, որ կարևորագույն նորամուծությունները օգուտ տան «ժողովրդավարական առաջնորդությանը, ոչ թե ավտորիտարիզմին»: Հռչակագրում նշվում է, որ երկրները դեմ կլինեն մարդկանց հսկողության տեխնոլոգիաների կիրառանը և տարածմանը՝ մարդու իրավունքները սահմանափակելու համար:

ԱՄՆ-ն և Գերմանիան մտադիր են ստեղծել ամերիկա-գերմանական ֆորում, որը առաջարկություններ կներկայացնի «ընդհանուր ապագա կառուցելու վերաբերյալ»: «Հիմնական տնտեսական հարցերի շուրջ համագործակցությունը հեշտացնելու համար մենք նաև տնտեսական երկխոսություն կսկսենք», - ասվում է հռչակագրում: