ԱՄՆ-ը վերացնում է Իրանի նկատմամբ որոշ առևտրային պատժամիջոցներ

ԱՄՆ պետդեպարտամենտը Կոնգրեսին հայտնել է, որ վերացրել է որոշ առևտրային պատժամիջոցներ Իրանի դեմ՝  երկրին Ճապոնիայում և Հարավային Կորեայում իր արգելափակված ակտիվներին հասանելիություն ունենալու հնարավորություն տալով:

Washington Free Beacon կայքը հայտնում է. «Պատժամիջոցի վերացումը, որը ստորագրել է ԱՄՆ պետքարտուղար Էնթոնի Բլինքենը, թույլ է տալիս արգելափակված հաշիվների գումարները փոխանցել Ճապոնիայի և Կորեայի Հանրապետության արտահանողներին»:

ԱՄՆ պետդեպարտամենտը նաև հայտնել է, որ թույլ չի տա միջոցներ փոխանցել Իրան և թույլ կտա վճարումներ կատարել միայն ճապոնական ու կորեական ընկերություններին, որոնք արտահանում են պատժամիջոցների տակ չգտնվող ապրանքներ և ծառայություններ։