Իրանը զորք է կենտրոնացրել Աֆղանստանի հետ սահմանին

Իրանական բանակը ծանր տեխնիկա, այդ թվում՝ Т-72С և БМП-2 տանկեր է տեղակայել Աֆղանստանի հետ սահմանին. հայտնում է ռուսական թելեգրամյան «Միլիտարիստ» ալիքը։

Ի հաստատումն այս տեղեկատվության՝ ալիքը տեսանյութ է հրապարակել, ենթադրաբար, Աֆղանստանի սահման զրահատեխնիկայի տեղափոխման մասին:

Վերջին իրադարձությունները հարևան Աֆղանստանի հյուսիսային և արևելյան տարածքներում, որտեղ «Թալիբան» շարժումը լայնածավալ գրոհներ է իրականացնում, ըստ ամենայնի, Իսլամական Հանրապետությանը ստիպել են հոգ տանել իր արևելյան սահմանների պաշտպանության մասին:

Այս տեղեկատվության պաշտոնական հաստատում դեռ չի ստացվել:

Ըստ EADaily-ի՝ վերջին 24 ժամվա ընթացքում թալիբները մոտեցել են Հյուսիսային Աֆղանստանի համանուն նահանգի վարչական կենտրոն Կունդուզ քաղաքին՝ Տաջիկստանի հետ սահմանին, մի շարք ռազմական հաջողություններից հետո: