Պետության սուրբ պարտականությունն է գյուղացիներին ապահովել թունաքիմիկատներով, ոռոգման ջրով

Արմավիրի մարզի Քարակերտ համայնքում «Հայաստան» դաշինքի հանդիպման ժամանակ համայնքի բնակիչները գյուղատնտեսական մի շարք խնդիրների մասին բարձրաձայնեցին։

«Հատկապես գյուղատնտեսության ոլորտում մենք պետք է աջակցենք ֆերմերային տնտեսություններին, գյուղացու կողքին կանգնենք»,- ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Նախագահ Քոչարյանը նշեց, որ եթե կա մթերման պրոբլեմ, պետությունը կարող է այնպիսի միավորներ ձևավորել, մասնավորի հետ համագործակցելով, որ հարցը լուծվի․ «Պետության սուրբ պարտականությունն է գյուղացիներին ապահովել թունաքիմիկատներով, ոռոգման ջրով։ Բազմաթիվ ֆունկցիաներ կան, որ պետությունը պետք է կատարի, բացի մեկից՝ ձեզ հետ մրցելուց։ Հենց պետությունը դարձավ արտադրող, մտածելու է իր ապրանքի մասին»։

Ռոբերտ Քոչարյանն ասաց, որ պետությունը պետք է հասկանա՝ ինչ է արտադրում գյուղացին, ինչ՝ ներմուծում, ո՞ր ներմուծված ապրանքն է ազդում գյուղացու արտադրանքի գների վրա, որպեսզի սեզոնի ընթացքում մաքսային քաղաքականությամբ հնարավորություն տա  թեթևացնելու գյուղացու բեռը։

Մանրամասն՝ տեսանյութում։