Որպես ՀՅԴ երիտասարդներ՝ մեր պարտականությունն է արցախահայ մեր սերնդակիցներին թև ու թիկունք լինել․ Ցողիկ Աշըգյան

Մեկնարկել է ՀՅԴ Բյուրոյի երիտասարդական գրասենյակի նախաձեռնած «Վերելք» ծրագրի նոր փուլը։

Ծրագիրն իրականացվում է «Օփթիմայզ» խորհրդատվական ընկերության հետ համագործակցաբար և հնարավորություն է ընձեռում արցախցի երիտասարդներին մասնակցել լավագույն մասնագետների կողմից իրականացվող դասընթացներին, ձեռք բերել նոր գիտելիքներ և ամրապնդել արդեն իսկ ունեցածը։

Ծրագրի փուլերը հաջողությամբ ավարտած երիտասարդները ստանալու են ֆինանսական աջակցություն և օգնություն աշխատանքի տեղավորման հարցերում։

Ծրագրի մանրամասները՝  https://www.verelk.am/ կայքում։

Միջոցառմանը ՀՅԴ բյուրոյի երիտասարդական գրասենյակի պատասխանատու Ցողիկ Աշըգյանն ասց․ «Այսօր արցախահայության համար Հայաստանի մեջ  արժանապատիվ կյանք ապահովելու և  վերադարձի գաղափարը վառ պահելու մարտահրավերն է, որին դեմ հանդիման  ենք գտնվում։ Որպես ՀՅԴ երիտասարդներ՝ մեր պարտականությունն է արցախահայ մեր սերնդակիցներին թև ու թիկունք լինել»։