Մակրոնը հայտնել է Էրդողանի հետ բանակցություններում «խաղաղասեր մթնոլորտի» մասին

Թուրքիայի նախագահ Ռեջեփ Թայիփ Էրդողանի հետ ՆԱՏՕ-ի գագաթնաժողովի շրջանակներում բանակցություններն անցել են լավ մթնոլորտում: Այս մասին հայտարարել է Ֆրանսիայի նախագահ Էմանուել Մակրոնը՝ ելույթ ունենալով հանդիպմանը և ավարտված գագաթնաժողովին հաջորդած մամուլի ասուլիսում. հաղորդում է ՏԱՍՍ-ը:

«Այս բանակցությունները տեղի ունեցան խաղաղասեր մթնոլորտում», - ընդգծել է Ֆրանսիայի ղեկավարը և հավելել․ «Բանակցությունների ընթացքում երկուսս էլ հայտարարել ենք, որ անհրաժեշտ է, ելնելով մեր հավաքական նպատակներից, ներդնել բոլոր ջանքերը` համատեղ աշխատանք ապահովելու համար»:

Մակրոնն ասել է, որ բանակցությունների ընթացքում «ինքը մի շարք պարզաբանումներ է տվել այն թեմաների վերաբերյալ, որոնք կարող էին աղավաղվել և օգտագործվել որպես հարձակման պատրվակ»։ «Սա առաջին հերթին վերաբերում է իսլամի խնդրին: Ես նախագահ Էրդողանին հասկացրել եմ, որ Ֆրանսիայի քաղաքականությունը որևէ կրոնի վրա հարձակվելը չէ»,- նշել է նա:

«Մեր միլիոնավոր համաքաղաքացիներ մուսուլմաններ են... Ուզում եմ շեշտել, որ ... այն ամենը, ինչ այն (ֆրանսիական պետությունը) պահանջում է մուսուլմաններից, դա Ֆրանսիայի Հանրապետության օրենքներն ու կանոնները խստորեն պահպանելն է։ Նախագահ Էրդողանը ըմբռնեց իմ այս բոլոր բացատրությունները և հասկացրեց, որ իր համար կարևոր են ինչպես Ֆրանսիայի անվտանգությունը, այնպես էլ նրա բնակչության համախմբվածությունը: Միևնույն ժամանակ, ես նրան հիշեցրի, որ Ֆրանսիայի համար կարևոր է հարգել բոլոր դավանանքները», - ասել է Մակրոնը:

«Սա այն եղանակն է, որով մենք կարող ենք ստեղծել համագործակցության գծեր և օգտակար գործողություններ»,- եզրափակել է Ֆրանսիայի նախագահը: