Պուտինը, Մակրոնը, Բայդենն էսօր խոսում են Նիկոլի հետ, նա էլ չգիտեմ՝ հասկանո՞ւմ է, թե՞ աղավաղում է նրանց ասածները, երկուսն էլ հնարավոր է. ՀՀ առաջին նախագահ

Ես մի անգամ ասել եմ, որ Արցախի կարգավորման խնդրին էքսպերտային մակարդակով տիրապետում է վեց մարդ՝ ես, Ռոբերտ Քոչարյանը, Արկադի Ղուկասյանը, Վարդան Օսկանյանը, Ալեքսանդր Արզումանյանը ու Վազգեն Սարգսյանը․ այսօր լրագրողներին ասաց ՀՀ առաջին նախագահ Լևոն Տեր-Պետրոսյանը։

«Հիմա սկի երեք հոգի էլ չի տիրապետում դրան»,- ասաց նա։

«Պուտինը, Մակրոնը, Բայդենն էսօր խոսում են Նիկոլի հետ, ես քաղաքագետ չեմ, ես պետք է իմանամ ինչ է պարտնյորների մտադրությունը, դա ասում են ո՛չ ինձ, ո՛չ Սերժին, ո՛չ Ռոբերտին, ասում են միայն Նիկոլին, նա էլ չգիտեմ՝ հասկանո՞ւմ է, թե՞ հասկանալուց հետո էլ աղավաղում է նրանց ասածները, երկուսն էլ հնարավոր է։ Կարող է չի էլ հասկանում, ես ավելի շատ դրան եմ հակված», - ասաց ՀՀ առաջին նախագահը։