Էսօր առավոտվանից որ քֆուր չեմ տվել, ուրեմն էսօր լավ օր ա. Մանվել Գրիգորյան

«Ռեզերվում պահա տղերքին, պետք էլնի, սահման կեթանք»,- այսօր Եռաբլուրում, դիմելով ազատամարտիկներին, ասաց գեներալ-լեյտենանտ, ԵԿՄ նախագահ, ԱԺ պատգամավոր Մանվել Գրիգորյանը:

Խոսելով հայ-ադրբեջանական սահմանին առկա լարվածության մասին` նա նշեց. «Աշոտ Ղազարյանը մի հումոր ունի, երբ տաքսու շոֆերին մեկը կանգնացնում ա, ասում ա` քշի սահման, միլիոն ու կես մարդ են կոտորել: Տաքսու շոֆերն ասում ա` այ մարդ, էս 25 տարի ա` մեր ազգն էդ վիճակի մեջ ա, ավելի վատ վիճակների մեջ ա եղել էս ազգը, նոր եք հիշո՞ւմ: Պատերազմի մեջ երկիր ենք, խաղաղություն կնքված չի, գյուղացին էլ չի կարում էթա, իրա հողը մշակի: Տարածաշրջանն ա մեզ սենց պահում: Չորս յանը լավ ժողովուրդներ չեն, չեն սիրում մեզ»,- ասաց Մանվել Գրիգորյանը` կոչ անելով բոլորին միասնական լինել` մարտահրավերներին դիմակայելու համար:

Նա նշեց, որ միասնականության ուժի լավագույն ապացույցը Եռաբլուրում հանգչող տղաներն են և պատերազմով անցած ու ողջ մնացած տղաները, որոնք տասն անգամ թվաքանակով առավելություն ունեցող թշնամուն կարողացել են հաղթել: «Անկախ մեր ներքին պառակտումներից` մեզ միասնականության ա պետք: Ամերիկայի պես պետությունն էլ իրա բռակներն ունի: Հայ-հայ էր` ճգնաժամ էին սարքել: Եվրոպայի պես երկրները սաղ, բացի Գերմանիայից, ճգնաժամի մեջ են ապրում:

Բայց մենք պատերազմի մեջ գտնվող երկիր ենք, մեզ համախմբվել ա պետք: Հացից կարևոր, մեզ զենք ա պետք, որ մատակարարենք առաջին գիծ, որ մեր հերոս սերժանտի պես տղերքը զենք ունենան ու կարենան դիմակայեն: Լավ գիտեք, որ էսօր Ադրբեջանը թե' ֆինանսապես, թե' զենքով զինվում ա: Ուզենք, չուզենք, պետք ա մենք էլ զինվենք»:

Հարցին` ինչո՞ւ է այնպես ստացվում, որ իշխանություններից սկսում են դժգոհել անգամ սոցիալապես վատ վիճակում գտնվող ազատամարտիկները, Մանվել Գրիգորյանը պատասխանեց. «Իշխանությունները ստեղ պրիչյո՞մ: Էդ ո՞ր երկրում են մինչև վերջ լուծվում սոցիալական խնդիրները: Կամաց-կամաց, հենա օրենք ա ընդունվում, կամաց-կամաց փորձում ենք: Էդ խի՞ չեք ասում, որ էսօր Հայաստանում բոլոր զոհվածներին անխտիր բնակարանով ապահովել են, անխտիր մեդալներ են տվել, նույնը` առաջին կարգի հաշմանդամներին կա'մ բնակարան են տալիս, կա'մ փողով օգնում են: Անում են, ինչ հնարավոր ա, անում են: Էրեկ հեռուստատեսությամբ լսում եմ, որ ռուս դեսպանը գլուխ ա գովում, ճոխ-ճոխ խոսում, թե` մենք մեր պատերազմի վետերանների համար ամեն ինչ անում ենք: Օղրաշ, բա 90 տարի վրեն նստել ա, նո՞ր եք անում, էլի չեք պրծնում: Իսկ մեր մոտ պատերազմն էլ չի վերջացել, որ հետքերն էլ վերջանա:

Միանգամից հարցերը չեն լուծվի: Այո, էսօր լիքը անարժան մարդիկ կան, որ ամեն ինչից օգտվում են, իսկ էս կռված տղերքը արժանի են ամենալավին, բայց դա մեզ իրավունք չի տալիս, որ մենք խռովենք կամ ինադ անենք: Էս կռված տղերքից ոչ մեկը չի գնացել կռիվ, որ իրան փող կամ պաշտոն տան, գնացել են իրանց մորն ու քրոջը պաշտպանելու: Սուտ ա, որ ասում են, թե կռիվ լինի, էս տղերքը էլ չեն գնա, ղալաթ են անում, էն էլ ոնց կգնան: Չեմ ուզում անուններ տամ, երկու օր առաջ, գիշերը զանգել են ինձ, խնդրում են, թե` գնա, խոսա, թող թողեն, մենք գնանք սահման, որտեղ որ էդ երեխեն զոհվել ա: Ես ասեցի` մնացեք տեղներդ, սահմանով եք ուզում պրծնե՞ք: Որ էթալու լինենք, միանգամից կգնանք Բաքու»:

Հարցին` ի՞նչն է խանգարում հասնել մինչև Բաքու, Մանվել Գրիգորյանը պատասխանեց. «Պիտի թույլ տան: Մի օր էլ տենց կլնի, բա գիտես ի՞նչ: Որ շատ դավադիտ անեն, բա ի՞նչ պիտի անենք»: Վերջում էլ ասաց. «Էսօր առավոտվանից որ քֆուր չեմ տվել, ուրեմն էսօր լավ օր ա»: