Իսրայելը պատրաստ է կառավարություն կազմել առանց Նեթանյահուի

Իսրայելի աջ կենտրոնամետ «Յամինա» կուսակցության ղեկավար, պաշտպանության նախկին նախարար Նաֆթալի Բենեթը հայտարարել է, որ իր կուսակցությունը կմիանա կոալիցիոն կառավարությանը առանց Բինյամին Նեթանյահուի: Ընդդիմության առաջնորդ Յաիր Լապիդի համար, որին մայիսի 5-ին 28 օր ժամանակ է տրվել կոալիցիա կազմելու և «փոփոխությունների կառավարություն համար», բացվում է դեպի վարչապետի աթոռը տանող դուռը.  գրում է BBC- ի ռուսական ծառայությունը:

«Ես ամեն ինչ կանեմ, որ Լապիդի հետ ազգային միասնության կառավարություն ձևավորվի»,- ասել է աջ կուսակցության ղեկավարը, որի որոշումը կարող է կանխորոշել Նեթանյահուի ճակատագիրը:

Նախկինում Բենեթը հանդիպում էր անցկացրել «Յամինա» խմբակցության անդամների հետ, որոնք գրեթե բոլորը հավանություն են տվել Նեթանյահուին վտարել ցանկացող կուսակցությունների կոալիցիային:

«Յամինա»-ն 120 տեղանոց Կնեսետում ունի ընդամենը վեց տեղ, բայց դա բավական է կոալիցիայի ստեղծման վրա ազդելու, ինչպես նաև Նեթանյահուի 12-ամյա վարչապետության  վերջ դնելու համար:

Ըստ իսրայելական ԶԼՄ-ների՝ կողմերը համաձայնության են եկել, որ 49-ամյա Բենեթը երկու տարի կաշխատի վարչապետի պաշտոնում, իսկ հետո այդ տեղը կզիջի Լապիդին երկու տարով՝ մինչև նոր խորհրդարանական ընտրությունները: